БАСТЫ > САЛЫҚ БАСҚАРМАСЫ > ҚҰЖАТ

 
 
Алматы облысы бойынша Мемлекеттік кірістер департаментіне
жаңа басшы тағайындалды
27.05.2019

 

2019 жылдың 14 мамырында Қазақстан Республикасының Премьер-Министрінің бірінші орынбасары - Қазақстан Республикасы Қаржы министрінің 2019 жылғы 14 мамырдағы № 436-ж/қ бұйрығымен Сәрсембаев Төлеген Қапсалықұлы Қазақстан Республикасы Қаржы министрлігінің Мемлекеттік кірістер комитетінің Алматы облысы бойынша Мемлекеттік кірістер департаменті басшысының м.а. болып тағайындалды.

Сәрсембаев Төлеген Қапсалықұлының қаржы жүйесіндегі тәжірибесі мол.

Қаржы органдарындағы еңбек жолын 1993 жылы бастады.

Әр жылдары Алматы қаласы және Алматы облысы бойынша Мемлекеттік қаржылық бақылау комитетінің басқармасында, кейін Алматы қаласының Түрксіб және Бостандық аудандары бойынша Салық комитеттерінде жұмыс істеді. Қызылорда, Жамбыл, Шығыс Қазақстан және Павлодар облыстары бойынша салық департаменттерін басқарды.

2017 - 2019 жылдар аралығында Оңтүстік Қазақстан облысы мен Түркістан облыстарында Әкім орынбасарының қызметін атқарды.